Sa panayam ni Toni Gonzaga kay Piolo Pascual sa kanyang YouTube show na "Toni Talks," inamin ng aktor na hindi siya kasalukuyang naghahanap ng karelasyon.

“Ang tagal na, eh. ‘Di ko na alam ‘yung lovelife, eh,” biro ni Piolo, na minsan na ring naging leading man ni Toni sa ilang pelikula.

“Sinabi sa akin ni Pastor Julius ‘yun, ‘the more you stay single, the more you’re gonna enjoy it, the more you’re not gonna look for it,” pahayag ni Papa P.

Na-gulat si Toni nang malaman na 13 taon nang walang girlfriend si Piolo. Ngunit paliwanag ng aktor, “Lovelife ko talaga ‘yung trabaho ko, eh.”

Nang tanungin ni Toni, “So, ayaw mo na ng full-on commitment?” Agad naman itong sinagot ni Piolo ng, “Not for now.”

Natawa si Toni sa sagot ni Piolo at pabirong tanong, “PJ, not for now, 21 years old ka ba?”  

“Busy pa ako sa career ko, eh,” sagot ni Piolo na sinundan ng tawa.  

Biro ni Toni, ganito rin daw ang madalas na sinasabi ng mga young actors kapag tinatanong tungkol sa lovelife at relasyon.  

Ipinaliwanag naman ni Piolo, “Totoo kasi, eh. You know, I love being single. I don’t see the point of being with someone, especially now because I’m so busy with work.”  

Dagdag pa niya, “I’m always with friends, I’m always with my family. And it’s not something that you know, I look for because… eh, nasanay na, eh.”  

Nang tanungin kung ano ang qualities na hinahanap niya sa isang babae, sinabi ni Piolo, “Christian muna. Family-oriented, siyempre, dapat ‘yung mabait. Hindi full of herself. Hindi ‘yung ‘me, myself, and I.’”  

Sinundan ito ng tanong ni Toni kung ano naman ang type niya pagdating sa pisikal na aspeto. Sagot ni Piolo, ‘yung mga katulad daw ni Toni, na naging dahilan ng kanilang tawanan.  

Sa parehong vlog, inamin ni Piolo na niligawan niya noon si Toni. Biro ng aktor, “Hindi mo ako sinagot.”


Natatawa namang sagot ni Toni, “Ewan ko sa ‘yo, PJ! Para kang tanga. Nu’ng time naman na ‘yun, parang tanga naman ‘tong si PJ!”

Tawanan muli ang dalawa habang binalikan ang nakakatuwang bahagi ng kanilang nakaraan.