Netizen, may babala kay Ellen Adarna tungkol kay Pernilla Sjoö

Lumawak na ang isyu tungkol sa sigalot sa pagitan ng aktres na si Andi Eigenmann at surfer na si Philmar Alipayo, kung saan nadawit ang Swedish marine photographer na nakabase sa Siargao, si Pernilla Sjoö.

Ngayon, maging ang dating aktres na si Ellen Adarna ay pinuna ng ilang netizens.

Sa isang Instagram post noong Pebrero 3, 2025, ibinahagi ni Ellen ang isang maikling Reel mula sa kanilang bakasyon sa Tokyo, Japan kasama ang kanyang pamilya.

Wala siyang inilagay na caption sa naturang post.

Nang lumabas ang balita tungkol kina Andi at Philmar, isang netizen ang biglang napansin si Ellen.

Mukhang alam ng netizen na malapit na kaibigan ni Derek si Pernilla, na nauugnay kay Philmar.

Nagbigay pa ito ng babala kay Ellen noong Pebrero 10, 2025: "Mag-ingat kay Pernilla, close na close sila ni Papa D."

Sinagot ito ni Ellen.  

Ayon sa aktres, hindi siya selosa.  

Diretsang tugon niya sa wikang Bisaya, **"Dili ko selosa, 'Day. Hehehe."** (*Hindi ako selosa, 'Day. Hehehe.*)

Burado na ang komento ng netizen pati na rin ang sagot ni Ellen.